Vestlandske Mållag hev arbeidt med tvo mål i arbeidsbolken. Det eine hev vore lagsskiping og lagsbyggjing. Det andre hev vore kampen mot anbeheitelse og for ei opning for klassiske norskmålsformer.

Norsk Bladmannalag
Norsk Bladmannalag hev vore medlem i Vestlandske Mållag. Laget hev lege nede ei heil stund no. Formannen kontakta den tidlegare formannen i Norsk Bladmannalag og ytra ynskje um at laget måtte koma på fote att. Formannen tilbydde seg dessutan å skipa til eit ope møte som kunde skapa blæst um laget. Det førde med seg at formannen vart uppmoda um å yvertaka laget. Etter at VM kalla inn til ope møte og vilde finna ut um det var interessa for laget, vart det skipa eit interimstyre med Lars Bjarne Marøy, Lars Toralf Storstrand og Thor Chr. Skavlem. Deretter vart det sendt uppmoding til styret i Bladmannalaget um å yverlata turvande materiell til at Norsk Bladmannalag kunde skipast upp att. Det er no gjort. Det er yverlevert protokollar og i skrivande stund vert det ordna med bankfullmakter til Marøy og interimstyret.

Lokallagsskiping
Det hev vorte sendt ut uppmoding til alle som tingar Vestmannen og til alle medlemene i Vestmannalaget um å skipa mållag lokalt. Saman med Gudmund Harildstad hev formannen gjenge gjenom tingarlistone for Vestmannen i Hordaland. Voss peika seg ut med serleg mange tingarar og med serleg mange medlemer i Vestmannalaget. Formannen samrådde seg med Johannes Gjerdåker um lokallagsskiping. Me fastsette dato for skipingsmøte. Det vart sendt ut brev til umlag 15 personar og formannen for til Voss. Ein melde seg på telefon og vilde vera medlem,men kunde ikkje møta på skipingsmøte. På sjølve møte kom det tri personar. Det vart fastsett at ein skulde samlast att seinare.

Det er gjort upptak til lokallagsskiping på Sunnmøre. Og fleire hev sagt seg viljuge til å vera med i eit mållag der.

Lagsbyggjing
Styret hev priorietert å byggja dei lagi som hev kome til og å freista å få til ordskifte og aktivitet i tilknyting til dei. Formannen hev difor vitja medlemene i høgnorskringen i Oslo ved 2 høve i arb. bolken.

Høgnorsksamling i Ørsta
Styret byrja planleggjingi av høgnorsksamling i mai på styremøte i januar. Formannen og Kay Morten Aarskog samrådde seg um arbeidet. Kay Morten tok seg av det praktiske,medan formannen og Olav Torheim arbeidde med programmet. Det hev vore ei rad kontaktar oss imillom på telefon og epost. Me hev fenge fleire medieuppslag lokalt i samband med fyrebuingi.

Sjølve samlingi førde med seg eit sers godt uppslag på lokalfjernsynet i Møre og Romsdal og i avisone Møre og Møre-nytt. Samlingi var elles viktig for å rådleggja seg um strategiar i høgnorskarbeidet frametter. Formannen skreiv upprit til lokalbladi i Volda og Ørsta, Møre og Møre Nytt.

Arbeidet mot anbeheitelse
Tidleg på hausten vart det avvikla møte i anbeheitelse-nemndi. Det vart sendt ut uppmoding til folk i høgnorskringen um å gjera seg tankar um måldyrking og språk og samfund. Det vart ingen respons på dette. I desember vart det kalla inn til tvo møte i samband med anbeheitelse ordskiftet. Eit i Bergen og eit i Oslo. Tilslutnaden var liten. Det vart sendt ut nokre lesarbrev og lagt ein strategi som ikkje var vellukka for ein kampanje mot framlegget. Eit av lesarbrevi frå formannen fekk likevel mykje merksemd og førde til ordskifte i Bergens Tidende. I januar vart det halde nytt møte i anbeheitelse-nemndi. Då òg med liti tilsøkjing. Høgnorskringen hev arbeidt beinveges mot Norsk Språkråd og kome med fleire gode utspel i so måte. Høgnorskringen markerte seg på årsmøtet til Norsk Språkråd. Det framlegget som vart vedteke av Norsk Språkråd peikar ikkje i vår leid. Det ser ut til å vera liten motivasjon attum kampen mot Språkrådsarbeidet. Gledeleg er det likefullt at høgnorskringen greidde å samla inn ei rad underskrifter for ei jamstelling millom i-mål og a-mål i Noregs Mållag. Det var elles nokso mange som røysta for jamstelling millom i-mål og a-mål på landsmøtet i Noregs Mållag. Dette framlegget lyt takast uppatt. Det generelle normeringsvedtaket på landsmøtet i Noregs Mållag er so dårleg at det vert upp til Vestlandske Mållag og andre sympatisørar å markera seg andsynes Norsk Språkråd. Me må sterkt på bana um me skal få resultat.

Serlege tiltak
Det vart sendt ut fråsegner frå eit av styremøti um morgonandakten og um nynorsk musikk på Nrk etter uppmoding frå Martin Votlo.

På haustparten 1998 vart den høgnorske epostlista opna. Og fleire hev ytra seg der bolkesvis. Men ålment sett hev det vore liten aktivitet.

Formannen hev vore med på ein normeringskonferanse i Kristiansan der leidande representantar for norskfagsmiljøet var samla. Formannen hevda høgnorsksynet der. Diverre lukkast det ikkje å mobilisera fleire høgnorskvener til å fara dit.

Formannen hev skrive nokre innlegg um norskfaget. Eit innlegg på uppmoding frå studenttidsskriftet Brodd og ein artikkel som vart prenta i Vestmannen og som kronikk i Klassekampen.

I samband med landsmøtet i Noregs Mållag var det sendt ut lesarbrev som uppmoda um å jamstella i-mål og a-mål. Det eine frå formannen i Vestmannalaget etter dryftingar i stjorni og det andre var uppropet frå Høgnorskringen. Det fyrstnemnde vart prenta i Sunnmørsposten og i Klassekampen og kann henda i andre avisor.

Formannen hev skulert seg på språkteknologi og moderne presseteknologi og nytta dette i arbeidet med Norsk Bladmannalag.

Heimesidone til Vestlandske Mållag hev nyleg vorte uppdaterte av Olav Torheim,og dei hev no ei sers god utforming som gjer oss tilgjengeleg for mange. Torheim skal ha stor takk for det store arbeidet han hev lagt ned for å gjera heimesidone våre so gode.

Det er avvikla fire styremøte i arb. bolken. Den nye kassastyraren Kolbein Totland vart innsett i umbodet i januar,og hev tenestegjort sidan då. Utgiftene frå 1998 vert yverførd til 1999. Formannen la ut det som var av utgifter i den tid det ikkje var tenestegjerande kassastyrar,og tilbakebetaling bar til fyrst i 1999. Kassastyraren og formannen meinte at det var tilrådeleg å halda fast ved den skikken at rekneskapen fylgjer kalenderåret. Elles hev kassastyraren og formannen samla pengane til Vestlandske Mållag i ein bank. Alle pengane stend no i Kreditkassen.

Lars Bjarne Marøy, Bjørn Tormod Ringdal, Kay Morten Aarskog, Ingebjørg Gilberg, Ellen Vabø, Svein E. Kvamsdal, Helga Mehl, Kjell Henry Knivsflå